Վրաստանի փոխարտգործնախարար Վլադիմիր Կոնստանտինիդին հայտարարում է, որ մոտ ապագայում Վրաստանում ստացած վարորդական իրավունքը հնարավոր կլինի օգտագործել նաև եվրոպական երկրներում։

Ինչպես նշել է Վլադիմիր Կոնտանտինիդին, Վրաստանում օրենսդրությունը փոխվել է և վարորդական իրավունքի քննություն հանձնելու կանոնները համապատասխանեցվել են եվրոպական չափանիշներին։

«Արտասահմանում, հատկապես եվրոպական երկրներում, մեր քաղաքացիների թիվը բավականին մեծ է՝ տարբեր կարգավիճակներով, տարբեր նպատակներով։ Նրանք ունեն բավականին շատ կարիքներ՝ տեղում հարմարվելու համար: Հեշտ չէ, նույնիսկ ամենազարգացած երկրում մարդիկ հարմարվեն, իրենց տեղը գտնեն, աշխատանք ստանան, կարիքները շատ են։ Օրինակ՝ Իտալիայում և Իսպանիայում մեր հանդիպումների ժամանակ պարզվեց, որ սփյուռքի ներկայացուցիչները մեզնից օգնություն են խնդրել, օրինակ՝ ճանաչելու վարորդական վկայականները, որոնց վրա մենք ակտիվորեն աշխատում ենք, և արդյունքում մեր հայրենակիցներից շատերը մոտ ապագայում կօգտվեն վրացական վարորդական իրավունքից։ Մենք գիտենք, որ Վրաստանում քննություն հանձնելու կանոնները փոխվել են և համապատասխանեցվել եվրոպական չափանիշներին։ Նման գործնական կարիքները շատ են, և մենք դրանք հաշվի ենք առնում»,- ասաց փոխարտգործնախարարը։