Խորհրդարանի եվրաինտեգրման կոմիտեի նախագահ Թամար Խուլորդավայի տեղեկությամբ, մեկ տարվա ընթացքում, վիզայի ազատականացումից օգտվել է Վրաստանի շուրջ 195 հազար քաղաքացի և 250 հազար անգամ ուղևորվել Եվրոպայում:
Առաջին ալիքի հետ զրույցում Թամար Խուլորդավան ուշադրությունը բևեռել է Վրաստանին վիզայի ազատականացում շնորհելու մեկ տարվա վրա և խոսել մարտի 25-ի տվյալներով առկա վիճակագրության մասին:
Պատգամավորի կարծիքով, Եվրամիության հետ մերձեցման ճանապարհին Վրաստանի համար վիզայի ազատականացման մասին կայացված որոշումը անչափ լուրջ առաջ դրված քայլ է, քանի որ բացվել է քաղաքացիների ճանապարհը, որ առանց խոչընդոտների, կարճաժամկետ այցերով ճամփորդեն Եվրոպայում և այցելեն Շենգենի տարածք:
«Սահմանից վերադարձվել է շուրջ 1000 մարդ և նրանց մեկ տարվա ընթացքում իրավունք չի տրվել մտնել Շենգենի գոտի»,- ասում է Խուլորդավան:
Ինչ վերաբերում է այսպես կոչված դադարեցման մեխանիզմի կիրառմանը, Խուլորդավան հայտարարում է, որ այդ տեսանկյունից իրական վտանգներ այս պահին չկան:
Այսօր, մարտի 28-ին, անցել է մեկ տարի, երբ Վրաստանի համար Եվրամիության/Շենգենի գոտու երկրներում առանց վիզա ուղևորվելու հնարավորությունը մտել է ուժի մեջ:
