Վիկտոր Օրբան. Թրամփի տորնադոն ընդամենը մի քանի շաբաթվա ընթացքում փոխեց աշխարհը, մի դարաշրջան ավարտվեց
Թրամփի տորնադոն ընդամենը մի քանի շաբաթվա ընթացքում փոխել է աշխարհը, ասել է Հունգարիայի վարչապետ Վիկտոր Օրբանը Մադրիդում եվրոպական ծայրահեղ աջ կուսակցությունների առաջնորդների գագաթնաժողովում։
«Թրամփի տորնադոն փոխեց աշխարհը ընդամենը մի քանի շաբաթվա ընթացքում, մի դարաշրջան ավարտվեց: Երեկ մենք հերետիկոսներ էինք նրանց համար, այսօր՝ մեյնսթրիմ»,- ասել է Վիկտոր Օրբանը։
Վիկտոր Օրբանն ասել է, որ «Բրյուսելի պատճառով Եվրոպան հեղեղվել է անօրինական ներգաղթյալներով»։
Նրա խոսքով՝ Եվրոպայի բնակչությանը փոխարինելը դավադրության տեսություն չէ, այլ իրական պրակտիկա։
«Այսօր առաջադեմ համաշխարհային էլիտան եվրոպացիներից գողանում է Եվրոպան»,- ասել է Օրբանը։
Մադրիդում կայացած եվրոպական ծայրահեղ աջ կուսակցությունների առաջնորդների գագաթնաժողովի կարգախոսն էր՝ «Դարձրե՛ք Եվրոպան կրկին մեծ»։