Հունգարիայի վարչապետ Վիկտոր Օրբանը հայտարարել է, որ սկսում է Բրյուսելի «պատերազմական ծրագրի» դեմ ստորագրահավաք: Օրբանի խոսքով՝ Եվրոպան «տաք աշնան շեմին է», քանի որ մայրցամաքը «ավելի ու ավելի արագ է շարժվում դեպի պատերազմ»:

Հունգարիայի վարչապետը նշել է, որ մի քանի շաբաթ առաջ Կոպենհագենում ներկայացվել է Բրյուսելի պատերազմի ծրագիր, որի համաձայն՝ Եվրոպան վճարում է, ուկրաինացիները կռվում են, իսկ Ռուսաստանը, ի վերջո, հոգնում է, չնայած ոչ ոք չի ասում, թե որքան կարժենա դա Եվրոպային կամ որքան կտևի:

Օրբանը նշել է, որ Հունգարիան չի ցանկանում մասնակցել այս սցենարին, այդ իսկ պատճառով Հունգարիայի դեմ արշավը սկսվել է լրտեսության, կեղծ լուրերի սկանդալի և իրավական մանիպուլյացիաների մեղադրանքների «լայն զինանոցի» միջոցով:

«Մենք չենք կարող անգործ մնալ: Մենք պետք է ևս մեկ անգամ ցույց տանք, որ հունգար ժողովուրդը պատերազմ չի ուզում: Ահա թե ինչու այսօր մենք սկսում ենք ստորագրահավաք Բրյուսելի ռազմական ծրագրերի դեմ: Մենք կլինենք յուրաքանչյուր քաղաքում և յուրաքանչյուր գյուղում, քանի որ հիմա մեզ անհրաժեշտ է յուրաքանչյուր խաղաղասեր հունգարացի», – ասել է Վիկտոր Օրբանը: