Հունգարիան վճռականորեն պաշտպանում է Վրաստանի ինքնիշխանությունը ոչ միայն երկկողմ հարաբերությունների շրջանակներում, այլև Եվրամիության տարածքում, հայտարարել է Հունգարիայի վարչապետ Վիկտոր Օրբանը Վրաստանի վարչապետ Իրակլի Կոբախիձեի հետ համատեղ մամուլի ասուլիսում։

Վիկտոր Օրբանի խոսքով՝ անկախ նրանից, թե ինչ է մտածում Բրյուսելը, Հունգարիան ամեն ինչ կանի, որպեսզի Վրաստանը շարունակի վճռականորեն քայլել դեպի Եվրամիություն տանող ճանապարհով։

«Մենք միշտ զգում ենք մեզ Վրաստանի դաշնակից և ներկայացնում ենք Վրաստանը Եվրամիության առջև բոլոր այն մարտերում, որոնք Վրաստանը մղում է իր ինքնիշխանությունն ու անկախությունը պաշտպանելու համար։ Անկախ նրանից, թե ինչ է մտածում Բրյուսելը, մենք համաձայն ենք, որ ամեն ինչ կանենք, որպեսզի օգնենք Վրաստանին շարունակել վճռականորեն քայլել դեպի Եվրամիություն տանող ճանապարհով», – ասել է Վիկտոր Օրբանը։