Վազիսուբանիի բնակելի շենքում տեղի ունեցած պայթյունի հետեւանքով վիրավորներից մեկը հիվանդանոցում մահացել է։

Մահացածը միջին տարիքի կին է։ Նա գտնվում էր Խեչինաշվիլիի կլինիկայի վերակենդանացման բաժանմունքում։ Ինչպես հայտնեցին կլինիկայից, հիվանդն ունեցել է կյանքի հետ անհամատեղելի վնասվածքներ։

Ինչպես հայտնի է, սկզբում պայթյունը տեղի է ունեցել մահացածի տանը, որին հաջորդել է հրդեհը։

Վթարի վայրից երեք պացիենտ տեղափոխվել է Խեչինաշվիլիի կլինիկա։ Նրանցից երկուսի վիճակը կայուն է։

Ըստ նախնական տեղեկությունների՝ պայթյունի պատճառը բնական գազն է։ Պայթյունից հետո հրդեհ է բռնկվել բնակելի բնակարաններից մեկում, որից հետո կրակը տարածվել է մյուս հարկերում։ Դեպքի առթիվ հետաքննություն է սկսվել։

Տեղի բնակիչների խոսքով՝ նախօրեին շենքի գազամատակարարումը դադարեցվել էր պլանային աշխատանքների պատճառով։