Սահմանների արդյունավետ կառավարումը ՆԳՆ-ի առաջնահերթ ուղղություններից է, և մենք կշարունակենք բարեփոխումներն այդ ուղղությամբ,- ասել է Վրաստանի ՆԳ նախարար Վախտանգ Գոմելաուրին խորհրդարանում՝ «Նախարարի ժամ»-ի ձևաչափով իր զեկույցում։

Վախտանգ Գոմելաուրին ուշադրություն է հրավիրել նաեւ անցյալ տարի ահաբեկչության վերաբերյալ ԱՄՆ Պետդեպարտամենտի հրապարակած զեկույցի վրա։

«Նախարարությունը 2021 թվականին մշակել է սահմանների արդյունավետ կառավարման և ներգերատեսչական համակարգման ծրագիր, որի նպատակն է ներդնել միջազգային չափանիշներին համապատասխան սահմանների ինտեգրված կառավարման և համապարփակ համակարգ, ինչպես նաև նվազեցնել սահմանների հետ կապված հանցագործությունները և բարելավել կանխարգելման մեխանիզմը։ Ծրագրի շրջանակներում այս տարի նախարարության տեղեկատվական-վերլուծական վարչությունում ստեղծվել է սահմանների կառավարման և համակարգման բաժին։ Նշված ստորաբաժանման իրավասությունը սահմանվել է որպես սահմանների կառավարման զարգացման ռազմավարության և գործողությունների պլանների մշակում, սահմանների մոնիտորինգ, ռիսկերի գնահատում/վերլուծություն, ինչպես նաև ուղևորների տվյալների մշակման և օպերատիվ աջակցության ապահովում: Անցյալ տարի ԱՄՆ Պետդեպարտամենտի կողմից ահաբեկչության վերաբերյալ հրապարակված զեկույցում ասվում էր, որ «Վրաստանի լավ կազմակերպված և բարձր իրավասու սահմանային ոստիկանությունը և առափնյա պահպանությունը ապահովում են համապատասխան առաջնային արձագանքման հնարավորություններ Վրաստանի ցամաքային և ծովային սահմաններին»: «Նման զեկույցներում Վրաստանի մասին դրական լույսի ներքո հիշատակելը մի կողմից մեր անձնակազմի համար ամենակարևոր շարժառիթն է, մյուս կողմից՝ բարձրացնում է Վրաստանի դերը գլոբալ անվտանգության առումով»,- ասել է Վախտանգ Գոմելաուրին։