«Վաշինգտոն Փոստ» – Իրանը պատրաստ էր կրճատել ուրանի հարստացումը մինչև 2015 թվականի միջուկային համաձայնագրով նախատեսված մակարդակը, եթե ԱՄՆ-ն կատարեր որոշակի պայմաններ
Ըստ Washington Post-ի՝ Իրանը պատրաստ էր կրճատել ուրանի հարստացումը մինչև 2015 թվականի միջուկային համաձայնագրով պահանջվող մակարդակը, եթե ԱՄՆ-ն կատարեր որոշակի պայմաններ։
Ինչպես հաղորդում է ազդեցիկ ամերիկյան հրատարակչությունը, դրա դիմաց Թեհրանը պահանջել է մեղմացնել ԱՄՆ պատժամիջոցները Իրանի միջուկային էներգետիկայի ոլորտի նկատմամբ, հասանելիություն ունենալ սառեցված միլիարդավոր դոլարների իրանական ակտիվներին և դադարեցնել Վաշինգտոնի ճնշումը իրանական նավթի չինացի գնորդների վրա։
Դեռևս հայտնի չէ, թե որքանով ընդունելի կլինի Թրամփի վարչակազմի համար այս պայմանների կատարումը։
Տեղեկության համար, ապրիլի 12-ին Օմանի մայրաքաղաքում տեղի են ունեցել ԱՄՆ-ի և Իրանի միջև բանակցություններ։ Իրանի պատվիրակությունը գլխավորում էր երկրի արտաքին գործերի նախարար Աբբաս Արաղչին, իսկ ամերիկյան կողմը՝ ԱՄՆ նախագահի հատուկ ներկայացուցիչ Սթիվ Ուիթքոֆը։ Միջնորդը Օմանի արտաքին գործերի նախարարության ղեկավարն էր։
Վիտկոֆի խոսքով՝ բանակցությունները դրական և կառուցողական էին։ Նմանատիպ գնահատական տվեց նաև Իրանի արտաքին գործերի նախարարը։
Ըստ «Նյու Յորք Թայմս»-ի՝ բանակցությունների ընթացքում Վիտկոֆը չի պահանջել, որ Իրանը լիովին դադարեցնի ուրանի հարստացումը։ Փոխարենը, նա առաջարկեց, որ Իրանը չօգտագործի իր ունեցած ուրանը զենքի նպատակներով։