Վրաստանի վարչապետ Իրակլի Կոբախիձեն փետրվարի 11-13-ը Դուբայում կմասնակցի Համաշխարհային կառավարությունների գագաթնաժողովին։ Այս մասին հայտնում է կառավարության մամուլի ծառայությունը։

Վրաստանի կառավարության ղեկավարը փետրվարի 11-ին ելույթ կունենա Համաշխարհային կառավարությունների գագաթնաժողովի մասնակիցների առջեւ։

Վարչապետը Դուբայ է մեկնել առաջին փոխվարչապետ, էկոնոմիկայի և կայուն զարգացման նախարար Լևան Դավիթաշվիլիի, արտաքին գործերի նախարար Մակա Բոճորիշվիլիի, արդարադատության նախարար Անրի Օխանաշվիլիի և կառավարության վարչակազմի ղեկավար Լևան Ժորժոլիանիի հետ։

«2025 թվականի Համաշխարհային կառավարությունների գագաթնաժողովի հիմնական թեման է «Ապագայի կառավարությունների ձևավորումը» և ունի ավելի քան վեց հազար մասնակից։ Գագաթնաժողովը համախմբում է աշխարհի տարբեր ոլորտների ներկայացուցիչներ՝ քննարկելու միջազգային համագործակցությունը խթանելու և մարտահրավերներին դիմակայելու նորարարական ուղիները: Նրանց թվում են կառավարությունների ղեկավարներ, միջազգային կազմակերպությունների և մասնավոր հատվածի ղեկավարներ, ինչպես նաև առաջատար փորձագետներ։ 2025 թվականի գագաթնաժողովին մասնակցում են ավելի քան 30 պետությունների և կառավարությունների ղեկավարներ, ավելի քան 80 միջազգային կազմակերպություններ և կառավարական պատվիրակություններ 140 երկրներից։ 12-րդ գագաթնաժողովի ծրագիրը կենտրոնացած է 6 հիմնական թեմատիկ ուղղությունների վրա՝ արդյունավետ կառավարում և հաշվետվողականություն, Ապագայի և համաշխարհային տնտեսության ֆինանսավորում, Կլիմա և կայուն քաղաքներ, Մարդակենտրոն ապագա և կարողությունների զարգացում, Առողջության գլոբալ փոխակերպում, Զարգացող միտումները և ապագան», – ասվում է Վրաստանի կառավարության վարչակազմի հայտարարության մեջ: