Վալիդ Աբու Հայան նշանակվել է Վրաստանում Իսրայելի նոր դեսպան։ Ինչպես գրում է Վրաստանում Իսրայելի դեսպանատունը, Հայան իր հավատարմագրերի պատճենները հանձնել է Վրաստանի արտաքին գործերի նախարարության դիվանագիտական արարողակարգի վարչության տնօրեն Զուրաբ Դարչիաշվիլիին։
«Դեսպանի թեկնածու Աբու Հայան, որը դրուզ իսրայելցի է, սկսում է իր առաքելությունը՝ անսասան պատրաստակամությամբ ամրապնդել Իսրայելի և Վրաստանի միջև բարեկամությունն ու գործընկերությունը», – գրել է Իսրայելի դեսպանատունը սոցիալական ցանցերում։
Վալիդ Աբու Հայան փոխարինում է Հադաս Մեյցադին՝ դեսպանի պաշտոնում։ Մեյցադը դեսպանի պաշտոնը զբաղեցնում էր 2022 թվականից։