Թուրքիայում Ուկրաինայի դեսպանի խոսքով՝ Ուկրաինան նախատեսում է մինչև այս տարվա վերջ կազմակերպել խաղաղության գագաթնաժողով, որին կներառի նաև Ռուսաստանի մասնակցությունը
«Ուկրաինան նախատեսում է մինչև տարեվերջ կազմակերպել խաղաղության նոր գագաթնաժողով, որին կմասնակցի նաև Ռուսաստանը»,- այս մասին ասել է Թուրքիայում Ուկրաինայի դեսպան Վասիլ Բոդնարը։
Բոդնարը հանդիպմանը բացառել է Մոսկվայի հետ ուղիղ երկկողմանի բանակցությունները։
«Գագաթնաժողովի կարևորագույն նպատակներից մեկն Ուկրաինայում արդար խաղաղության հասնելն է։ Մենք չենք խոսում մի ձևաչափի մասին, որտեղ Ուկրաինան ու Ռուսաստանը դեմ առ դեմ նստեն, եւ Ուկրաինան կլսի Ռուսաստանի պահանջները։ Միջազգային հանրությունը Ուկրաինայի հետ միասին կնստի ու ցուցակ կստեղծի, թե ինչ քայլեր կարելի է ձեռնարկել Ուկրաինայում արդար խաղաղության համար և կքննարկեն, թե այս ցուցակի հիման վրա ինչ պահանջներ պետք է ներկայացնեն Ռուսաստանին։ Դա չի լինի ուղիղ երկկողմ հանդիպում, հավանաբար կլինի այն ձևաչափը, որտեղ կմասնակցեն նաև երրորդ կողմերը, և խոսակցությունը կիրականացվի երրորդ անձանց միջոցով։ Մենք հույս ունենք, որ այս գագաթնաժողովը կանցկացնենք մինչև տարեվերջ»,- ասել է Բոդնարը Անկարայում կայացած ճեպազրույցում։
Ըստ Բոդնարի՝ Թուրքիան, որը պատերազմի ընթացքում փորձում է բարեկամական հարաբերություններ պահպանել ինչպես Ուկրաինայի, այնպես էլ Ռուսաստանի հետ, գագաթնաժողովի կարևոր մասնակից է լինելու։
Ինչպես գրում է Ռոյթերս-ը, Թուրքիայի արտգործնախարար Հաքան Ֆիդանին Խորվաթիայի Դուբրովնիկ քաղաքում կմասնակցի Ուկրաինա-Հարավ-Արևելյան Եվրոպա գագաթնաժողովին, որտեղ կհաստատի Անկարայի դիրքորոշումը, որ ցանկացած խաղաղ բանակցություն պետք է ներառի երկու կողմերին «արդար և տևական» լուծման համար։