Թուրքիային չեն ցանկանում ընդունել Եվրամիություն, քանի որ մենք մահմեդականներ ենք. Վրաստանում Թուրքիայի դեսպան
Թուրքիային չեն ցանկանում ընդունել Եվրամիություն, քանի որ մենք մահմեդականներ ենք: Այս հայտարարությունը արել է Վրաստանում Թուրքիայի դեսպան, Ֆաթմա Սերեն Յազգանը, Թբիլիսիում ընթացող միջազգային խորհրդաժողովին ելույթ ունենալիս: Նրա խոսքով Եվրամիությունում ավելացել է հակաիսլամական տրամադրությունը:
«Արժեքները բացառում են երկակի չափանիշներ: Թուրքիայում զգում ենք, որ մենք կատարում ենք մեր «տնային աշխատանքը», սակայն դրանից հետո ստանում ենք նոր հանձնարարություններ, որովհետև Եվրամիությունը չի ցանկանում մեզ ընդունել: Ինչո՞ւ, որովհետև մենք մահմեդականներ ենք: Մենք չենք պատրաստվում փոխել մեր հավատքը: Մենք երկար ժամանակ մահմեդականներ ենք լինելու: Մենք մնում ենք թուրքեր և թուրքերում նկատի ունեմ՝ թուրքերին, բոսնիացիներին, քրդերին, վրացիներին, արաբներին, աբխազներին, որոնք ապրում են Թուրքիայում: Եվրամիությունը այսօր չի արձագանքում այն խախտումների վրա, որոնք գոյություն ունեն հենց Եվրոպայում: Օրինակ, երկրներից մեկում արգելված են մահմեդական գլխաշորերը, բայց այլ կրոնի ներկայացուցիչներին թույլատրվում է կրել իրենց գլխաշորը: Եվրոպայում աճում է հակաիսլամական տրամադրությունը», – ասել է Վրաստանում Թուրքիայի դեսպանը: