Թուրքիայի ընդդիմադիր Հանրապետական կուսակցությունը կրկին նախագահ է ընտրել Օզգյուլ Օզելին
Թուրքիայի ընդդիմադիր Հանրապետական կուսակցությունը կրկին նախագահ է ընտրել Օզգյուլ Օզելին։
Օզգուլ Օզելիի խոսքով՝ յոթ միլիոն մարդ է ստորագրել արտահերթ ընտրություններ անցկացնելու իրենց նախաձեռնած խնդրագիրը։
Միաժամանակ Օզելը խոստացել է լայնածավալ ցույցեր անցկացնել՝ ի նշան բողոքի իր կուսակից, Ստամբուլի քաղաքապետ Էքրեմ Իմամօղլուի ձերբակալության դեմ։ Էքրեմ Իմամօղլուն Հանրապետական կուսակցության կողմից առաջադրվել է որպես 2028 թվականի ընտրություններում նախագահի թեկնածու և Ռեջեփ Թայիփ Էրդողանի հիմնական մրցակից։
Իմամօղլուից բացի, իրավապահները ձերբակալել են նաեւ 7 քաղաքների քաղաքապետերի, որոնք Հանրապետական կուսակցության անդամ են։ Ամբողջ երկրում շարունակվող բողոքի ցույցերի ընթացքում, ընդհանուր առմամբ, կալանավորված է մոտ 2000 մարդ, այդ թվում՝ 300-ը սպասում են դատավարությանը։