Թուրքիայի արտաքին գործերի նախարար. Թուրքիան չի կարող հանդուրժել սրբավայրերի պղծումը
Թուրքիան չի կարող հանդուրժել սրբավայրերի պղծումը,- հայտարարել է Թուրքիայի արտգործնախարար Հաքան Ֆիդանը Հունգարիա կատարած այցի ժամանակ։
Ինչպես հայտարարել է Ֆիդանը Բուդապեշտում Պիտեր Սիյարտոյի հետ համատեղ համաժողովում, նա կարծում է, որ իսլամական աշխարհը որոշակի որոշում կկայացնի։
«Եթե նայենք նորագույն պատմությանը, շատ դասեր կան քաղելու։ Եվրոպայում ամեն ինչ սկսվեց գրքերի այրումից, և այդ գրքերն այրվեցին պետական վերահսկողության ներքո։ Գրքերը այրելուց հետո համակենտրոնացման ճամբարներ են եղել, և մենք գիտենք, թե դրանից հետո ինչ եղավ»,- ասաց Ֆիդանը։
Ֆիդանի խոսքով՝ Թուրքիան կարծում է, որ պետական վերահսկողության ներքո սուրբ գրքերի պղծումը և այդ արարքը որպես խոսքի ազատություն սահմանելը ճիշտ չէ, և Թուրքիան չի կարող հանդուրժել սուրբ արժեքների ոտնահարումը։
«Կարծում ենք, որ եվրոպացի քաղաքական և պետական գործիչներն այժմ սկսում են իրազեկվել այս խնդրի մասին»,- ասել է Թուրքիայի արտաքին գործերի նախարարը։
Հիշեցնենք, որ վերջին մի քանի օրերին Շվեդիայում և Դանիայում այրվել էին Ղուրանի օրինակներ, ինչը խստորեն դատապարտել էին Թուրքիան, Սաուդյան Արաբիան և այլ երկրներ։