Թուրքիան ուկրաինական բանակին նվիրաբերում է այն «Բայրաքթարը», որի գնման համար գումար էին հավաքում Լիտվայում
Թուրքիան ուկրաինական բանակին նվիրաբերում է այն «Բայրաքթարը», որի գնման համար գումար էին հավաքում Լիտվայում։
Այս մասին տեղեկությունը «Twitter»-ում տարածել է Լիտվայի ազգային պաշտպանության նախարար Արվիդաս Անուսաուսկասը։
«Անհնար է պատկերացնել, բայց Թուրքիան հենց նոր է համաձայնել Բայրաքթարը, որի համար Լիտվան գումար էր հավաքում, անվճար հանձնել Ուկրաինային։ Սա հրաշք է։ Մեր հավաքած գումարով Բայրաքթարի համար կգնենք անհրաժեշտ զինամթերք և այլ տեխնիկա։ Այս գումարը նույնպես կծախսվի Ուկրաինային աջակցելու համար։ Շնորհակալություն Թուրքիային»,- գրել է Անուսաուսկասը։
Ինչպես ավելի վաղ հայտնել էին ուկրաինական լրատվամիջոցները, լիտվացիները 3,5 օրվա ընթացքում հինգ միլիոն եվրո են հավաքել «Բայրաքթարը» գնելու համար։