Թուրքիան Հյուսիսային Իրաքում ցամաքային լայնածավալ գործողություն կանցկացնի «Քրդստանի աշխատավորական կուսակցության» դեմ
Թուրքիան Հյուսիսային Իրաքում ցամաքային լայնածավալ գործողություն կանցկացնի «Քրդստանի աշխատավորական կուսակցության» դեմ։ Թուրքական լրատվամիջոցների փոխանցմամբ՝ ռազմական գործողության մեկնարկից առաջ պայմանավորվածություն է ձեռք բերվել Իրաքի կենտրոնական կառավարության եւ Իրաքյան Քրդստանի ինքնավար շրջանի ղեկավարների հետ։
Թուրքական բանակը շարունակում է ամրապնդել տարածաշրջանում ժամանակավոր և մշտական հենակետերը։ Ռազմական ավիացիայի աջակցությամբ իրականացվող ցամաքային գործողության նպատակն է ոչնչացնել քուրդ մարտիկների դիրքերը։ Գործողությունը կիրականացվի սահմանի ողջ պարագծով եւ Իրաքի Գարա շրջանում, որը հայտնի է իր քարանձավներով։ Թուրքական բանակը ծրագրում է մշտական վերահսկողության տակ վերցնել Գարա շրջանը։
Թուրքական լրատվամիջոցները գրում են, որ 378 կիլոմետր երկարությամբ և 40 կիլոմետր խորությամբ անվտանգության գիծ կապահովվի Իրաքի սահմանին, ինչպես դա եղավ Սիրիայում։ Ակնկալվում է, որ Իրաքի կենտրոնական կառավարությունը և Էրբիլը հետախուզական աջակցություն կցուցաբերեն և քայլեր կձեռնարկեն Քրդստանի աշխատավորական կուսակցության դեմ Սուլեյմանիայում և Սինջարում:
Թուրքիայի արտգործնախարար Հաքան Ֆիդանին և հետախուզական ծառայության ղեկավար Իբրահիմ Կալինը գտնվում են ԱՄՆ-ում։ Հիմնական հարցերը, որոնց մասին խոսել են Ֆիդանն ու Կալինը, Իրաքում իրականացվելիք օպերացիան է։