Այսօր համալսարանում ուսանողների և կողմնակի անձանց մի փոքր խմբի բողոքի ակցիայի ժամանակ բազմաթիվ բռնություններ են տեղի ունեցել։ Ցուցարարները ֆիզիկական ճնշումների ներքո գրավել են ռեկտորատը, որի ժամանակ ծառայողական պարտականությունները կատարելիս վիրավորվել են Անվտանգության և պաշտպանության ծառայության աշխատակիցները,- ասվում է Թբիլիսիի պետական ​​համալսարանի հաղորդագրության մեջ։

Հայտարարության մեջ ասվում է նաև, որ համալսարանի չորս աշխատակիցներ տեղափոխվել են կլինիկա։

Միաժամանակ Թբիլիսիի պետական ​​համալսարանը երիտասարդներին կոչ է անում լքել ռեկտորատը, վերադառնալ կառուցողական երկխոսությանը և ուսումնական գործընթացին։

«Չորս աշխատակից տեղափոխվել է կլինիկա։ Ֆիզիկական բռնության է ենթարկվել նաև դեկանը։ Հատկանշական է, որ այս բռնությանը ներգրավված են եղել այլ բուհերի ուսանողներ, ինչպես նաև կողմնակի անձինք։ Թբիլիսիի պետական ​​համալսարանը ձեռնպահ է մնում նման բռնի գործողություններից և երիտասարդներին կոչ է անում հեռանալ ռեկտորատից, վերադառնալ կառուցողական երկխոսությանը և ուսումնական գործընթացին։ Ռեկտորը, ռեկտորի տեղակալը, կանցլերը, ֆակուլտետների և վարչական բաժինների ներկայացուցիչները բազմաթիվ հանդիպումներ են ունեցել ուսանողների այս խմբի հետ»,- ասված է Թբիլիսիի պետական ​​համալսարանի հաղորդագրության մեջ: