«Շատ, չափազանց ցավալի է, որ «Լելո»-ն պայքարի և դիմադրության փոխարեն ընտրեց ռեժիմի հետ կոմպրոմիսը և համագործակցությունը», – այս մասին գրել է «Ազգային շարժում» կուսակցության նախագահ Թինա Բոկուչավան սոցիալական ցանցում։

Բոկուչավայի գնահատմամբ՝ այսօր մենք ականատես եղանք «Լելո»-ի բարոյական մահվանը, իսկ հոկտեմբերին կտեսնենք նրանց ընտրական մահը։

«Ամեն ինչ պետք է անվանվի իր անունով – սա ընդհանուր պայքարի դավաճանություն է։ Սա պայքար չէ երկրի փրկության համար, այլ ռեժիմի հետ գործարք՝ պատվավոր երկրորդ տեղն ստանալու համար։

Չեմ բացառում, որ հիմա հենց Միխեիլ Զեբրա Քավելաշվիլին էլ կարող է ներում շնորհել «Լելո»-ի առաջնորդներին, որպեսզի գործարքը ամբողջությամբ ձևակերպի։ Սա ի վերջո փորձված ռուսական մարտավարություն է՝ անբարոյական կոմպրոմիսի համաձայնություն և հետո ամենացինիկ ու դաժան բացահայտում։

Այսօր մենք տեսանք «Լելո»-ի բարոյական մահը։ Քաղաքականություն առանց բարոյականության գոյություն չունի։ Այդ պատճառով հոկտեմբերին կտեսնենք նրանց ընտրական մահը։ Ազատություն՝ քաղաքական բանտարկյալներին։ Վերջում մենք կշահենք», – գրել է Բոկուչավան։