Թեոնա Աքուբարդիան դադարեցրել է համագործակցությունը Գախարիայի կուսակցության հետ և հայտարարում է, որ պայքարը շարունակելու է ինքնուրույն։

Այս մասին Աքուբարդիան գրել է սոցիալական ցանցում։

«Կիսում եմ ձեզ հետ իմ որոշումը՝ կրկին շարունակել պայքարն անկախ ձևով՝ հանուն Վրաստանի ազգային շահերի պաշտպանության, որի համար էլ 2020 թվականին մտա քաղաքականություն։ 2024 թվականի խորհրդարանական ընտրություններին ես ներկայացված էի «Գախարիա Վրաստանի համար» կուսակցության ցուցակում որպես անկուսակցական անդամ և աշխատում էի երկրի ինքնիշխանության և անվտանգության շահերի շուրջ։ Ես, ինչպես նաև իմ տասներկու թիմակիցները, անազատ և անարդար ընտրություններից հետո չլեգիտիմացրինք Իվանիշվիլիի միակուսակցական խորհրդարանը։ Բնականաբար, ռեժիմի կողմից երկրի ներքին և արտաքին կուրսի շրջման, զանգվածային ռեպրեսիաների պայմաններում ես եղել եմ և մնում եմ ընդդիմադիր դիրքորոշման մեջ։ Այսօր ընդդիմության սխալներն արդիական թեմա են, և դրա մասին կարելի է շատ բան ասել, սակայն հիմնական սխալը ոչ թե խորհրդարան չմտնելն է, այլ միասնական տեսլականի բացակայությունը ընդհանուր նպատակի շուրջ և փոխադարձ բախումները, այն ժամանակ, երբ երկիրը կանգնած է ինքնիշխանության և տարածքային ամբողջականության կորստի վտանգի առաջ։ Ես շարունակում եմ հավատալ, որ առանց նոր, ազատ և արդար խորհրդարանական ընտրությունների և քաղաքական բանտարկյալների ազատման, հնարավոր չէ վերադարձնել երկիրը սահմանադրական ուղու վրա։ Այդ պատճառով ես կշարունակեմ պայքարել իմ հնարավորությունների սահմաններում այն նպատակի համար, որը կոչվում է միասնական եվրոպական Վրաստան։ Շնորհակալ եմ բոլորին, ովքեր աջակցում էին ինձ այս նպատակի համար պայքարում։ Հավատում եմ, վերջում միևնույնն է մենք կհաղթենք», – գրում է Թեոնա Աքուբարդիան։