Ըստ Ինֆեկցիոն հիվանդությունների և ՁԻԱՀ-ի կենտրոնի տնօրեն Թենգիզ Ցերցվաձեի, մոտ երեք շաբաթից մեկ ամսվա ընթացքում մասնակի արգելափակումը և թեստավորման ընդլայնումը դրական արդյունքներ կտա:

Նրա խոսքով, վարակի դեպքերի աճի ֆոնին կրկնապատկվում է քաղաքացիների կողմից կանոնակարգերին ենթարկվելու կարևորությունը:

«Հանձնարարականն այն է, որ մենք պետք է այն ավելի խստացնենք, և, բարեբախտաբար, ես նկատում եմ, որ վերջին շրջանում բարձրացել է հասարակության պատասխանատվության մակարդակը: Ճիշտ է, բոլորը չէ, որ հավանություն են տալիս այդ կետային սահմանափակումների ընդլայնմանը, բայց այնուամենայնիվ կարծում էին, որ այժմ հանգստանալու ժամանակը չէ, և մենք պետք է դուրս գանք գարուն-ամառվա էյֆորիայից:

Այս ավելացած դինամիկայի ֆոնին կանոնակարգերի կատարման կարևորությունը կրկնապատկվում է, ինչպիսիք են՝ բաց և փակ տարածքում շնչադիմակ կրելը, սոցիալական հեռավորությունը, մարդաշատ հավաքույթներից զերծ մնալը, ձեռքերի, աշխատավայրի հիգիենան: Մենք պետք է փորձենք նվազեցնել այս աճող դինամիկան, և դրա համար կետային սահմանափակումներն ընդլայնվում են, այսինքն՝ մասնակի արգելափակումը, և դրա համար թեստավորումն ընդլայնվում է, թեստավորումը կրկնապատկվում է:

Պետությունը ձեռնարկել է երկու կարևոր քայլ՝ թեստավորման կրկնապատկում և մասնակի արգելափակում: Դա հնարավոր չի լինի մեկ կամ երկու օրվա ընթացքում, բայց մոտ երեք շաբաթ անց, մեկ ամսվա ընթացքում դա միանշանակ կտա իր դրական արդյունքները», – հայտարարել է Թենգիզ Ցերցվաձեն: