Թեմիրլան Մաչալիկաշվիլիի հանդեպ բռնությամբ ծառայողական իրավասությունների հնարավոր չարաշահման փաստով հետաքննությունը դադարեցվել է,- այս մասին այսօր հայտարարել են Թբիլիսիի դատախազությունում տեղի ունեցած ճեպազրույցի ժամանակ :

Դատախազության տվյալներով, Գաբրիել Սալոսի փողոցում հակաահաբեկչական գործողության գործով, որի շրջանակներում ոչնչացվել էր երկու ահաբեկիչ, իսկ Ախմեդ Չաթաևը պայթեցրել էր իրեն, Թբիլիսիի քաղաքային դատարանը ձեռք բերված ապացույցների հիման վրա արձակել էր հինգ մարդու, այդ թվում Թեմիրլան Մաչալիկաշվիլիի ձերբակալության օրդեր, այդ անձինք մեղադրվում էին ահաբեկչական խմբավորմանը ծառայություններ մատուցելու, ահաբեկիչներին ապաստանով ապահովելու և ռեսուրսներ տրամադրելու մեջ:

«Վճռի շրջանակներում, 2017 թվականի դեկտեմբերի 26-ին, գիշերը, Ախմետային շրջանի Դուիսի գյուղում իրականացրած հատուկ գործողության ժամանակ, պետական ​​անվտանգության ծառայության, հատուկ գործողությունների բաժնի աշխատակցի արձակած կրակոցի արդյունքում, բնակելի տան ննջարանում, գլխի մասում վիրավորվել էր Թեմիրլան Մաչալիկաշվիլին, ով հիվանդանոցում մահացել է 2018 թվականի հունվարի 10-ին: Այն փաստը պարզելու համար, որքանով օրինական է գործել հատուկ գործողությունների բաժնի աշխատակիցը և որքանով էր անհրաժեշտություն ներկայացնում նրա կողմից կրակելը, Թբիլիսիի դատախազությունում անց է կացվել հետաքննություն: Կոնկրետ վկայի կարգավիճակով հարցաքննվել է 124 անձ, կատարվել են տասնյակ քննչական կամ դատավարական գործողություններ, քրեական գործով անց են կացվել տասնյակ դատաբժշկական փորձաքննություններ: Վկաների կարգավիճակով հարցաքննվել են Թեմիրլան Մաչալիկաշվիլիի ընտանիքի անդամները և նրա հարևանները, պետական ​​անվտանգության ծառայության հատուկ գործողությունների վարչության բոլոր 32 անդամները, որոնք ներգրավված էին վերոնշյալ 5 անձի ձերբակալման գործողություններում:

Իրականացրած հետաքննությունը պարզել է, որ Թեմիրլան Մաչալիկաշվիլին չի ենթարկվել հատուկ նշանակության ջոկատայինի պահանջին, ով պահանջել է ցույց տալ ձեռքերը, փորձել է նռնակը բերել մարտական ​​իրավիճակում, ինչի պատճառով հատուկ ջոկատայինը կրակել է նրա վրա: Նշված նռնակը հայտնաբերվել է սենյակը խուզարկելու ժամանակ, խուզարկմանը ներկա է գտնվել Թեմիրլան Մաչալիկաշվիլիի հայրը, ով հաստատել է խուզարկման արձանագրության մեջ գրված տվյալների ճշգրտությունը: Նա նռնակի հետ կապված ոչ մի դիտողություն չի արել»,- հայտարարել են դատախազությունում:

Դատախազության տվյալներով, լիիրավ և բազմակողմ հետաքննության արդյունքում հաստատվել է, որ հատուկ գործողությունների վարչության աշխատակիցը գտնվում էր անհրաժեշտ ինքնապաշտպանական իրավիճակի մեջ, որ վտանգը իրական էր, անմիջական և նրա միակ նպատակը իր և այլ անձանց անվտանգության ապահովումն էր: Հետաքննությունը հաստատել է նաև, որ ոչ հատուկ նշանակության ջոկատի անդամները և ոչ էլ որևէ պաշտոնյա անօրինական գործողություն չի իրականացրել, որի պատճառով գործը թակվել է: