Երեկ իրավապահները կանխել են մեր երկրի դեմ Սաակաշվիլիի ծրագրած ամենամեծ սադրանքը: Նա գալիս էր երկիրը տապալելու, անկարգություններ ստեղծելու և, որ ամենակարևորն էր, երկիր մուտք գործեց սովորական նապաստակի պես, – ասել է մշակույթի նախարար Թեա Ծուլուկիանին ՏԻՄ ընտրություններին իր քվեարկությունից հետո: Նա քվեարկել է Դիղոմի գյուղի թիվ 56 ընտրատեղամասում:

Ինչպես նշել է Ծուլուկիանին, այսօր նա հերթական անգամ ընտրություն է կատարել հօգուտ «Վրացական երազանքի»:

«Որպեսզի կայունություն լինի այս երկրում, որոշ ժամանակ խաղաղություն կլինի, մինչև նոր սերունդները փոխարինեն մեզ, և կարևոր է, որ ես այս ընտրությունը կատարեցի, ինչպես դա կանեն իմ շատ հայրենակիցներ, խաղաղ պայմաններում:

Երեկ մեր իրավապահները կանխեցին մեր երկրի դեմ ամենամեծ սադրանքը, որը ծրագրել էր Սաակաշվիլին: Նա գալիս էր երկիրը տապալելու, անկարգություններ ստեղծելու, եւ որ ամենակարեւորն է՝ նա նապաստակի պես մտավ երկիր, ինչպես սովոր է: Նա ձերբակալված է, նա գտնվում է տասներկուերորդ հաստատությունում, որտեղ պաշտպանված կլինեն նաև նրա իրավունքներն ու արդար դատաքննության իրավունքը: Դա մեզ իրավունք է տալիս այսօր մոբիլիզացվել, կազմակերպվել, ընտրություն կատարել խաղաղ միջավայրում:

Այսօր, ակտիվորեն մասնակցելով ընտրություններին, մենք կնիք ենք դնում անցյալի վրա, որը, հույս ունեմ, երեկվա ձերբակալությամբ ավարտվեց», – ասել է Ծուլուկիանին: