Թեա Ախվլեդիանին մասնակցել է Նովրուզ Բայրամի տոնի կապակցությամբ Լագոդեխիում անցկացված միջոցառումներին
Պետական նախարար Թեա Ախվլեդիանին ներկա է գտնվել Նովրուզ Բայրամի կապակցությամբ Լագոդեխիում անցկացված միջոցառումներին։
Թեա Ախվլեդիանին դիմել է Լագոդեխիի մունիցիպալիտետի Կաբալի համայնքի էթնիկ ադրբեջանցի բնակչությանը և շնորհավորել Նովրուզ Բայրամի տոնի առթիվ։
Պետական նախարարը Լագոդեխիի քաղաքապետ Ջոնդո Մդիվնիշվիլիի, խորհրդարանի պատգամավոր Գուրամ Մաճարաշվիլիի և տեղական ինքնակառավարման մարմինների ներկայացուցիչների հետ այցելել է Լագոդեխիի մունիցիպալիտետի Ուզունթալա գյուղում ստեղծված էթնիկ անկյուններ՝ նշելու Նովրուզ Բայրամը և դիտել ցուցահանդեսային տարածքներ, որտեղ ներկայացված են տեղական նվագարանների, ժողովրդական արվեստի գործեր, ժողովրդական նկարներ, ձեռագործ աշխատանքներ։
Նախարարը հանդիպել է տեղի երիտասարդական խորհուրդների ներկայացուցիչների հետ և ծանոթացել նրանց գործունեությանը։ Թեա Ախվլեդիանին ներկա է գտնվել նաև մշակութային և մարզական միջոցառումներին և խորհրդանշական նվերներ է հանձնել բազկամարտի մրցաշարի հաղթողներին։ Նախարարը երիտասարդների հետ մասնակցել է նաև խարույկ վառելու հանդիսավոր արարողությանը։
«Ուրախ եմ, որ այսօր հնարավորություն ունեցա նշելու Նովրուզ Բայրամը Կախեթիի շրջանի Կաբալի համայնքի տեղի բնակչության հետ, և այստեղից ուզում եմ շնորհավորել բոլորիդ, սիրելի համաքաղաքացիներ, ովքեր նշում են այս դարավոր տոնը Նովրուզ Բայրամի միասին տոնելը և այս տոնի բերկրանքը կիսելը դրա խորհրդանշական արտահայտությունն ու հաստատումն է, մաղթում եմ խաղաղություն, առողջություն և բարօրություն,- ասել է Թեա Ախվլեդիանին։
Նովրուզ Բայրամի տոնակատարությունը Կաբալի համայնքում ավարտվել է տեղի և հրավիրված կատարողների համերգով։
Այս մասին տեղեկանում ենք պետնախարարի գրասենյակից։