The Times. Դոնալդ Թրամփը հնարավոր է, հանդիպի Վլադիմիր Պուտինի և Սի Ցզինպինի հետ Չինաստանում
Դոնալդ Թրամփը կարող է հանդիպել Վլադիմիր Պուտինի և Սի Ցզինպինի հետ Չինաստանում։ Այս տեղեկատվությունը հաղորդում է բրիտանական The Times հրատարակությունը։
Հրատարակությունը պնդում է, որ ԱՄՆ-ի և Չինաստանի միջև առևտրային մի շարք գործարքներ ստիպել են Թրամփին վերանայել Պեկինի նկատմամբ իր թշնամական կուրսը, ինչը հանգեցրել է ենթադրությունների ամերիկացի առաջնորդին Չինաստանի մայրաքաղաքում կայանալիք զորահանդեսին հնարավոր հրավերի մասին, որը նախատեսված է Երկրորդ համաշխարհային պատերազմում հաղթանակի 80-ամյակի առթիվ։
Ռուսաստանի նախագահի աշխատակազմը հայտարարում է, որ Կրեմլը տեղեկություններ չունի Պուտինի, Թրամփի և Սի Ցզինպինի հնարավոր հանդիպման մասին։ Ավելի վաղ Ռուսաստանի նախագահի օգնական Յուրի Ուշակովը հայտարարել էր, որ Պուտինը կայցելի Չինաստան օգոստոսի վերջին կամ սեպտեմբերի սկզբին, որտեղ կմասնակցի Երկրորդ համաշխարհային պատերազմում հաղթանակի տարեդարձին նվիրված միջոցառումներին։ Սեպտեմբերի 3-ին Պեկինում կկայանա Երկրորդ համաշխարհային պատերազմում հաղթանակի 80-ամյակին և Չինաստանի ժողովրդի դիմադրության պատերազմին նվիրված զորահանդեսը։ Զորահանդեսի ժամանակ Չինաստանը կցուցադրի իր սեփական արտադրության սարքավորումները, որոնք գտնվում են շահագործման մեջ։