Թբիլիսիում դեռահասի մահվան դեպքի առթիվ հետաքննություն է սկսվել
Քրեական օրենսգրքի 115-րդ հոդվածով հետաքննություն է սկսվել օրեր առաջ Թբիլիսիում տեղի ունեցած դեպքի առթիվ, որի հետևանքով դեռահաս է մահացել։ Այս տեղեկությունը հաստատել են Վրաստանի ՆԳՆ-ից։
Բացի այդ, ըստ առկա տեղեկությունների, միջադեպը տեղի է ունեցել այսպես կոչված Ռիղեյի այգու լճակների տարածքում, որտեղ ջուրը լճացած էր։
Միջադեպի առնչությամբ հայտարարություն է տարածել նաեւ Թբիլիսիի քաղաքապետարանը։
«Ցավոք սրտի, ողբերգությունը տեղի է ունեցել մասնավոր սեփականության շենքում: Կրկին նշում ենք, որ դեպքը տեղի է ունեցել մասնավոր սեփականությունում։
Ցավալի է, որ լրատվամիջոցներն օգտագործում են նման ողբերգություն՝ Գերատեսչությունը վարկաբեկելու համար։ Դեպքի փաստով հետաքննություն է սկսվել։
Կոչ ենք անում լրատվամիջոցների ներկայացուցիչներին հարգել իրենց մասնագիտությունը և հանրությանը տրամադրել միայն ստուգված տեղեկատվություն։
«Թբիլիսիի քաղաքապետարանը խորը վիշտ է հայտնում դեռահասի մահվան կապակցությամբ և իր ցավակցությունը հայտնում նրա ընտանիքին»,- ասված է Թբիլիսիի քաղաքապետարանի հայտարարության մեջ։