Թբիլիսիի միջազգային օդանավակայանի աերոդրոմային հատվածում բարելավվել են ենթակառուցվածքները

«Տավ Ջորջիա»-ի ներդրմամբ Թբիլիսիի միջազգային օդանավակայանում կառուցվել են օդանավերի սպասարկման լրացուցիչ կանգառներ, վերականգնվել են նաև գործող կանգառների մի մասը։ Այս մասին տեղեկություն է տարածում Թբիլիսիի միջազգային օդանավակայանը։

Նրանց խոսքով, նախագծի շրջանակներում 18000 մ2 տարածքի վրա կառուցվել է լայն թափքով ինքնաթիռների նոր կայանատեղ՝ ICAO F և E ծածկագրերով։ Նաև վերականգնվել է 12500 մ2 տարածք, որը նախատեսված է միջին չափի (Նեղ կորպուս) ինքնաթիռների համար՝ ICAO կոդ C ստանդարտներով։

Թբիլիսիի միջազգային օդանավակայանի տվյալներով՝ վերականգնվել է նաև ուղղաթիռի կանգառը, որը գտնվում է 3500 մ2 տարածքի վրա։

«Տավ Ջորջիա»-ի 6,5 մլն լարի է ներդրել վերոնշյալ ենթակառուցվածքային աշխատանքներում։ Վերջին 20 տարիների ընթացքում ընկերության կողմից Վրաստանում կատարված ընդհանուր ներդրումները ներկայումս հասնում են 225,000,000 ԱՄՆ դոլարի»,- ասվում է Թբիլիսիի միջազգային օդանավակայանի հաղորդագրության մեջ։