Թբիլիսիի քաղաքային դատարանը քննարկում է պաշտպանության նախկին փոխնախարար Գիորգի Խաինդրավայի, նույն նախարարության գնումների վարչության նախկին ղեկավար Վլադիմիր Ղուդուշաուրիի և Ջուանշեր Բուրճուլաձեի աներորդու՝ Վասիլ Մխեիձեի նկատմամբ խափանման միջոցները։

Դատախազությունը պահանջում է նրանց երեքի համար էլ ազատազրկում։ Մեղադրողը նշել է, որ կա ապացույցների ոչնչացման, վկաների վրա ճնշման և քննությանը խոչընդոտելու, ինչպես նաև նոր հանցագործություն կատարելու վտանգ։

Պաշտպանական կողմը համաձայն չէ դրա հետ։ Նրանց խոսքով՝ նման ռիսկեր չկան։ Մեղադրյալները համաձայն չեն իրենց առաջադրված մեղադրանքների հետ

Ղուդուշաուրիի փաստաբանը միջնորդության տեսքով դատարանին առաջարկել է 100,000 լարի գրավ։ Գիորգի Խաինդրավայի փաստաբանը պահանջել է 100,000 լարի կամ 200,000 լարիից ավելի արժողությամբ գույքի առգրավում։ Վասիլ Մխեիձեի փաստաբանը դատարանին առաջարկել է 100,000 լարի գրավ։

Ձեր տեղեկության համար, պաշտպանության նախկին փոխնախարար Գիորգի Խաինդրավան, նույն նախարարության գնումների վարչության նախկին պետ Վլադիմիր Ղուդուշաուրին և այն ժամանակվա պաշտպանության նախարարի աներորդին մեղադրվում են Պաշտպանության նախարարությանը պատկանող խոշոր չափի գումար հափշտակելու և իրենց պաշտոնեական դիրքն օգտագործելով հափշտակությանը նպաստելու մեջ։

Ղուդուշաուրին և Գիորգի Խաինդրավան մեղադրվում են խոշոր չափի գումար հափշտակելու մեջ, իսկ Վասիլ Մխեիձեն՝ հափշտակությանը նպաստելու մեջ։