Թբիլիսիի քաղաքային դատարանը Դավիթ Խոմերիկին մեղավոր ճանաչեց և դատապարտեց 4 տարի 6 ամիս ազատազրկման։

Գործով որոշումը կայացրել է դատավոր Նինո Գալուստաշվիլին։

Վերջին խոսքում Դավիթ Խոմերիկին դատավորին կոչ էր արել կայացնել օբյեկտիվ և արդարացի որոշում։ Միևնույն ժամանակ, ինչպես նշել է Խոմերիկը, արդեն 8 ամիս է, ինչ նա անարդարացիորեն, առանց ապացույցների և քաղաքական պատճառներով գտնվում է կալանքի տակ, քանի որ բողոքել է իշխանության հակաեվրոպական կուրսի դեմ, որը սկսվել էր Գավրիլովի գիշերից։

Հիշեցնենք, որ Դավիթ Խոմերիկին կալանավորվել է Վրաստանի քրեական օրենսգրքի 18-229-րդ հոդվածով, որը ենթադրում է պայթուցիկ կամ կյանքի և առողջության համար վտանգավոր սարքի կամ նյութի տեղափոխում կամ տեղադրում։ Նշված հոդվածը նախատեսում է 4-ից 7 տարվա ազատազրկում։ Դավիթ Խոմերիկիին ձերբակալել են դեկտեմբերի 2-ին՝ Թամարաշվիլի պողոտայում։