Թբիլիսիի քաղաքապետարան – Ճանապարհների մաքրման աշխատանքներն ընթանում են առանց դադարի

Տեղացած ձյան պատճառով Թբիլիսիի կից տարածքներում ճանապարհները ինտենսիվորեն մաքրվում են հատուկ տեխնիկայի միջոցով: Այս մասին տեղեկատվություն է տարածել Թբիլիսիի քաղաքապետարանը:

Նրանց խոսքով՝ ճանապարհներին տեխնիկական աղ է ցանվում՝ տրանսպորտային միջոցների անխափան երթևեկությունն ապահովելու համար:

«Աշխատանքներին 24 ժամ մասնակցում է «Թբիլսերվիս Գրուպ» ՍՊԸ-ի մինչև 150 աշխատակից և համապատասխան հատուկ տեխնիկա:

Ճանապարհների մաքրման աշխատանքները մշտապես վերահսկվում են «Թբիլսերվիս Գրուպ»-ի տնօրեն Գիորգի Պապավայի կողմից: Մայրաքաղաքի փողոցներում, որտեղ անհրաժեշտություն է եղել, տեխնիկական աղ է ցանվել ամբողջ գիշեր:

Երթևեկության խափանման դեպքում խնդրում ենք կապվել «Թբիլսերվիս Գրուպ» թեժ գծի՝ 2 61 90 50 կամ Թբիլիսիի քաղաքապետարանի թեժ գծի՝ 2 72 22 22 հեռախոսահամարներով», – ասվում է Թբիլիսիի քաղաքապետարանի տեղեկատվության մեջ: