Թբիլիսիի քաղաքապետարան.Հորդառատ տեղումները խնդիրներ են առաջացրել մայրաքաղաքում, հեղեղվել են փողոցներ, տապալվել են ծառեր, բոլոր խնդրահարույց տարածքներում այս պահին գործում են համապատասխան ծառայություններ
«Հորդառատ տեղումները խնդիրներ են առաջացրել մայրաքաղաքում, հեղեղվել են փողոցներ, տապալվել են ծառեր, բոլոր խնդրահարույց տարածքներում այս պահին գործում են համապատասխան ծառայություններ»,- նշվում է Թբիլիսիի քաղաքապետարանի հայտարարության մեջ։
Հայտարարության մեջ նշվում է, որ Շրջակա միջավայրի ազգային գործակալության տվյալներով՝ Թբիլիսիում դիտված օդերևութաբանական իրադարձությունը պատկանում է օդերևութաբանական վտանգավոր իրադարձությունների կատեգորիային։
«Առատ տեղումներ են դիտվել հատկապես Դիդուբիի, Չուղուրեթիի, Մթածմինդայի և Սաբուրթալոյի շրջաններում։ Մի քանի հասցեներում ծառեր են տապալվել: Գլդանի թաղամասում՝ Լիբան փողոցում, պտտահողմի հետևանքով ծառ է տապալվել, որը վնասել է հաղորդակցությունները։ Վերականգնողական աշխատանքները սկսվել են անմիջապես և գրեթե ավարտված են։
Սոցիալական ցանցերում և մի շարք լրատվամիջոցներում տարածվել է ջրհեղեղ Ծերեթելիի պողոտան ցուցադրող տեսանյութ՝ այն համատեքստով, որ ջրահեռացման համակարգը անսարք է և չի կարող ջրի հոսքը տանել։ Ամբողջ պատասխանատվությամբ հայտարարում ենք, որ Ծերեթելիի պողոտայում գործող ջրահեռացման համակարգը նորմալ աշխատում է։
Համապատասխան ծառայությունների կողմից վանդակաճաղերի մաքրումից հետո ջրի հոսքն ամբողջությամբ իրականացվել է ջրահեռացման համակարգով։ Քաղաքապետարանի և ղեկավարության ներկայացուցիչները, ՆԳՆ արտակարգ իրավիճակների կառավարման ծառայության աշխատակիցները ներկա են առատ տեղումների հետևանքով առաջացած բոլոր խնդրահարույց տարածքներում։ Համապատասխան աշխատանքներն ու մոնիտորինգը շարունակվում են»,- նշված է Թբիլիսիի քաղաքապետարանի հաղորդագրությունում։