Փետրվարի 4-ը քաղցկեղի դեմ պայքարի միջազգային օրն է: Աշխարհի տասնյակ քաղաքների տեսարժան վայրերի նման, այսօր Թբիլիսիի հեռուստաաշտարակը լուսավորվել է կապույտ ու նարնջագույն գույներով: Այս մասին տեղեկատվությունը տարածում է Թբիլիսիի քաղաքապետարանի մամուլի ծառայությունը:

«Աշխարհն այսօր միավորվում է քաղցկեղի դեմ, և դրա նպատակն է, քաղցկեղի մասին իրազեկվածության բարձրացման ճանապարհով, խուսափել ամեն տարի միլիոնավոր մահացության դեպքերից: Քաղցկեղի դեմ պայքարի համաշխարհային օրվա կարգախոսն է. «Ես եմ ու կլինեմ»: Այս օրը նշելու գաղափարը պատկանում է քաղցկեղի դեմ պայքարի միջազգային միությանը (UICC), որը կոչ է անում իշխանություններին և մարդկանց գործել աշխարհում միլիոնավոր մարդկանց փրկելու համար»,- ասված է հայտարարության մեջ:

Թբիլիսիի քաղաքապետարանի առողջապահության և սոցիալական ծառայությունների ղեկավար Գելա Չիվիաշվիլիի հայտարարությամբ, Թբիլիսիի քաղաքապետարանը փորձում է տարբեր ծրագրեր իրականացնել ՝ նվազեցնելով քաղցկեղի ազդեցությունը բնակչության վրա:

Ըստ Գելա Չիվիաշվիլիի, Թբիլիսիի քաղաքապետարանն այս ուղղությամբ մի քանի նպատակային ծրագիր է իրականացնում: Դրանք են. Հիվանդությունների զննում, որը ներառում է հինգ բաղադրիչ. Վահանաձև գեղձի քաղցկեղի կառավարում, կրծքի, արգանդի վզիկի, կոլորեկտիվ և շագանակագեղձի քաղցկեղի անվճար զննում, կրծքագեղձի քաղցկեղի թանկարժեք դեղամիջոցների ֆինանսավորում, ցողունային բջիջների և լյարդի փոխպատվաստման ծրագրեր:

«UICC-ը հիմնադրվել է 1933 թվականին և քաղցկեղի ոլորտում աշխարհում առաջին և ամենամեծ կազմակերպությունն է ՝ 172 երկրներով և 1200 կազմակերպություններով: UICC-ը City Cancer Challenge հիմնադրամի հիմնադիրն է, որի հետ 2019 թվականի փետրվարի 4-ին փոխհամագործակցության հուշագիր են ստորագրել՝ Վրաստանի բռնազավթված տարածքներից փախստականների, աշխատանքի, առողջապահության և սոցիալական հարցերի նախարարությունը, Թբիլիսիի քաղաքապետարանը և Վրաստանի պացիենտների միությունը: Հուշագրի շրջանակներում մշակվել է City Cancer Challenge-ի Թբիլիսիի գործողությունների ծրագիրը: