Պետական դրամաշնորհների կառավարման գործակալության առաջին փոքր դրամաշնորհային մրցույթը ավարտված է, խորհրդի քննարկման արդյունքում տրամադրվել է մոտ 1.7 միլիոն լարի, իսկ 17 հասարակական կազմակերպություն շահել է ֆինանսավորում։ Այս մասին հայտարարել է գործակալության նախագահ Թամար Զոդելավան։

Նրա խոսքով՝ ֆինանսավորված կազմակերպությունները մոտ ժամանակում կիրագործեն այն քաղաքացիական նախաձեռնությունները, որոնց հիման վրա էլ ստացել են դրամաշնորհը։

«Դրամաշնորհ ստանալու իրավունք ունի ոչ առևտրային, ոչ պետական իրավաբանական անձ, որը գրանցված է և գործում է Վրաստանում։ 2025 թվականի բյուջեով պետական դրամաշնորհների համար նախատեսված է մինչև 20 միլիոն լարի։ Գործակալությունը ստեղծվել է ապրիլին, իսկ մրցույթը հայտարարել ենք հուլիսին։ Մեր գլխավոր նպատակն ու սկզբունքը թափանցիկությունն ու հաշվետվողականությունն է, քանի որ խոսքը պետական բյուջեի միջոցների մասին է», – նշել է Թամար Զոդելավան։

Նա հավելել է, որ տրամադրված դրամաշնորհների վերահսկողությունն իրականացնում է թե՛ գործակալությունը, և թե՛ թեմատիկ ոլորտային նախարարությունները ու այլ պետական հաստատություններ, որոնք ներգրավված են ծրագրերի իրագործման մեջ։

«Փոքր դրամաշնորհային նախագծերը կմեկնարկեն այժմ, և դրանցից յուրաքանչյուրի իրականացման ժամկետը կլինի մոտավորապես 4-ից 12 ամիս», – ասել է Զոդելավան։