Վրաստանի խորհրդարանի նախկին անդամ, Եվրոպական ինտեգրման կոմիտեի նախկին նախագահ Թամար Խուլորդավան ասում է, որ ընկերական հանդիպում է ունեցել Եվրախորհրդարանի անդամ Վիոլա ֆոն Կրամոնի հետ:

«Դա պարզապես ընկերական հանդիպում էր: Դուք գիտեք, որ ես այլևս քաղաքականապես ակտիվ չեմ: Ես Եվրախորհրդարանում պատվիրակության անդամ էի, այդ պատճառով մենք զրուցեցինք, կիսեցինք մեր տպավորությունները: Դուք գիտեք, որ այժմ Եվրամիությունը շահագրգռված է աննախադեպ բարձր մակարդակի վրա՝ Վրաստանում իրավիճակն այնպես լուծելու համար, որ մեր երկիրն ավելի շատ հնարավորություններ ունենա իրականացնելու իր հավակնությունները: Այժմ մենք շատ խոսակցություններ ենք լսում, այդ թվում նաև այն մասին, որ ցանկանում ենք 2024 թվականին դիմել ԵՄ-ին անդամակցելու համար: Միայն դիմումը չի օգնի, և մի իրավիճակում, երբ իշխանությունն ու ընդդիմությունը չեն կարողանում հաշտվել և միասին աշխատել տարրական հարցերի շուրջ, դա չի օգնի այս գործընթացին», – ասաց Թամար Խուլորդավան:

Եվրախորհրդարանի պատգամավոր Վիոլա ֆոն Կրամոնը հանդիպումներ է անցկացնում «Tbilisi Marriott»-ում: Ըստ առկա տեղեկությունների, Վիոլա ֆոն Կրամոնը ոչ պաշտոնական այցով գտնվում է Վրաստանում: Այսօր նա հանդիպումներ է ունեցել «Լելո»-ի ղեկավարներ Մամուկա Խազարաձեի և Բադրի Ջափարիձեի, ինչպես նաև նախկին պատգամավոր Թամար Խուլորդավայի հետ: Այժմ Անա Դոլիձեն հանդիպում է նրա հետ: Վրաստանի Առաջին ալիքի փոխանցմամբ, այսօր նախատեսված է հանդիպում Վրաստանի խորհրդարանի արտաքին գործերի փոխնախագահի հետ՝ Գիորգի Խելաշվիլիի հետ: