Թամար Չերգոլեիշվիլի. Բողոքի ակցիաների ժամանակ ձերբակալված քաղբանտարկյալներից բոլորին ազատ արձակեն, ովքեր ներում կխնդրեն, դա է աղերսում ռեժիմը, նրանք չեն կարողանա հարաբերությունները կարգավորել Արևմուտքի հետ առանց նրանց ազատ արձակման
Յուրաքանչյուր քաղբանտարկյալի որոշելիքն է՝ կխնդրի՞ ներում, թե՞ոչ, և ես չեմ պատրաստվում դատել նրանց, — այս մասին սոցիալական ցանցում գրում է «Ֆեդերալիստներ» կուսակցության առաջնորդ Թամար Չերգոլեիշվիլին։
Նրա խոսքով՝ ով ներում է խնդրում, բոլորին ազատ կարձակեն։
«Ընկերներ, բողոքի ակցիաների ժամանակ ձերբակալված քաղբանտարկյալներից բոլորին ազատ արձակեն, ովքեր ներում կխնդրեն. ամիսներ ի վեր դա է աղերսում ռեժիմը՝ զղջացեք, որ ձեզ ազատ արձակենք։
Չեն կարողանա հարաբերությունները կարգավորել Արևմուտքի հետ առանց քաղբանտարկյալների ազատ արձակման։ Վաղուց է դա պահանջում ռեժիմը։
Ակնհայտ է, որ յուրաքանչյուր քաղբանտարկյալի որոշելիքն է՝ կխնդրի՞ ներում, թե՞ոչ, և ես չեմ պատրաստվում դատել նրանց, պարզապես արձանագրում եմ փաստը», — գրում է Չերգոլեիշվիլին։
Ի գիտություն՝ նախագահի կողմից Մարիամության տոնի առթիվ ներված բանտարկյալների թվում հայտնվել են նաև տարբեր ժամանակներում բողոքի ակցիաներին ձերբակալված անձինք։ Միխեիլ Ղավելաշվիլին ընդհանուր առմամբ ներում է շնորհել 226 անձի։ Նախագահի աշխատակազմի տեղեկացմամբ՝ ներումը վերաբերել է ազատազրկման մեջ գտնվող 217 և ոչ ազատազրկման պատիժ կրող վեց անձի, իսկ երեք անձի դատվածությունը հանվել է։