Ճուբերիում աղետի հետևանքով հասցված վնասի հիմնական քանակը հաշվված է, սակայն նախքան փորձաքննության վերջնական եզրահանգման հրապարակումը կոնկրետ թվեր չեն անվանում:
Ինչպես Առաջին ալիքին հայտնել են Ճուբերիում, արտակարգ շտաբում, փոխհատուցում կստանան բոլոր տուժածները:
Ճուբերիում կրկին շարունակվում է պանելային կամրջի կառուցումը, որի միջոցով գետի ձախ ափը պետք է տեղափոխեն ծանր տեխնիկա: Արտակարգ շտաբի խոսնակ Սոզար Սուբարիի կարծիքով, կամուրջը պատրաստ կլինի վաղը: Սուբարին այսօր փորձագետների հետ գտնվում էր այն գոտիներում, որտեղ աղետի հետևանքով ստեղծվել է առանձնահատուկ ծանր իրավիճակ:
Սուբարիի հայտարարությամբ, այս պահի դրությամբ, իրավիճակը կայուն է:
«Առավոտից եղել եմ բոլոր թեժ կետերում և պետք է ասեմ, որ իրավիճակը բավարար է: Ուսումնասիրել ենք տները, որոնց փրկության հարցը դեռևս երեկ հարցականի տակ էր: Այժմ կարող եմ ասել, որ վտանգը հաղթահարված է»,- ասում է Սոզար Սուբարին:
Նրա խոսքով, կամրջի կառուցման աշխատանքներն ընթանում են արագ տեմպով:
Ինչպես տեղեկացնում է Առաջին ալիքի լրագրողը, գյուղերի հիմնական մասին մատակարարվում է էլեկտրաէներգիա:
