Ճապոնիայի վարչապետը հիասթափված է Դոնալդ Թրամփի կողմից տրանսպորտային լրացուցիչ մաքսատուրքերից
JAPAN-POLITICS-ISHIBA
Ճապոնիայի վարչապետ Շիգերու Իշիբան լրագրողներին ասել է, որ ինքը խիստ հիասթափված է ԱՄՆ նախագահ Դոնալդ Թրամփի կողմից ուժի մեջ մտած լրացուցիչ տրանսպորտային մաքսատուրքերից։
Իշիբան ասել է, որ երկու երկրները կարողացել են կառուցողական քննարկումներ անցկացնել սակագների վերաբերյալ, այդ թվում՝ ավտոմեքենաների, պողպատի և ալյումինի վերաբերյալ, բայց չեն կարողացել համաձայնության գալ։
«Ես շատ հիասթափված եմ, որ ուժի մեջ են մտել ավտոպահեստամասերի վրա լրացուցիչ մաքսատուրքեր։ Մեր դիրքորոշումը չի փոխվել։ Մենք շարունակելու ենք պահանջել ԱՄՆ-ի կողմից ընդունված մաքսատուրքերի շարքի վերանայում։ Ինչպես արդեն ասել եմ, ԱՄՆ-ի և Ճապոնիայի միջև դեռևս կա դիրքորոշումների տարբերություն, և մենք դեռևս չենք կարողանում համաձայնության գալ», – նշել է Իշիբան։
Ճապոնիայի վարչապետը նաև ասել է, որ Ճապոնիան և ԱՄՆ-ն պլանավորում են երրորդ հանդիպումը այս ամսվա կեսերից հետո՝ այս հարցը քննարկելու համար։
Հիշեցնենք, որ Թրամփի կողմից ավտոմեքենաների պահեստամասերի վրա սահմանված 25% մաքսատուրքերը ուժի մեջ են մտել մայիսի 3-ին։