Ճանապարհային դեպարտամենտը տեղեկատվություն է հրապարակում ճանապարհների ներկայիս վիճակի վերաբերյալ
Միջազգային նշանակության Մցխեթա-Ստեփանծմինդա-Լարս ավտոմայրուղու 79-93 կմ. (Մլեթա-Գուդաուրի) հատվածում թեթև տրանսպորտային միջոցների երթևեկությունը վերականգնվել է և կիրականացվի միակողմանի ռեժիմով, մինչդեռ այլ տեսակի տրանսպորտային միջոցների երթևեկությունը ժամանակավորապես սահմանափակված է, այս մասին տեղեկատվություն է հրապարակում Ճանապարհային դեպարտամենտը։
Նրանց հաղորդմամբ, նույն ավտոմայրուղու 93-107 կմ. (Գուդաուրի (Փոստա)-Կոբի) հատվածում ձնահոսքի վտանգի մակարդակը բարձր է, այդ պատճառով այս հատվածում բոլոր տեսակի ճանապարհային երթևեկությունը սահմանափակված է։
«Շրջակա միջավայրի ազգային գործակալության տվյալներով՝ Մլեթա-Գուդաուրի հատվածում տրանսպորտային միջոցների երթևեկությունը կիրականացվի առանց կանգառի։ Ավտոմայրուղու մնացած հատվածներում ճանապարհային երթևեկությունն ազատ է», – նշվում է տեղեկատվության մեջ։