Վրաստանի էներգետիկայի և ջրջրամատակարարման ազգային հանձնաժողովը քաղաքացիներին կոչ է անում, այսպես կոչված չգործող օբյեկտներում էլեկտրաէներգիայի հարկ գանձելու դեպքում դիմումով դիմել հանձնաժողովին:

«Թելասի» և «Թբիլիսիի էլեկտրամատակարարող ընկերության» (Թելմիկո) ստուգումների շրջանակներում խախտումները բացահայտելու նպատակով Վրաստանի էներգետիկայի և ջրամատակարարման ազգային հանձնաժողովը (ՍԵՄԵԿ) կոչ է անում քաղաքացիներին, ովքեր 2021 թվականի դեկտեմբերի 1-ից մինչև 2022 թվականի հունվարի 31-ը ներառյալ, այսպես կոչված «չգործող օբյեկտներում» (որտեղ ոչ ոք չի ապրում) ստացել են էլեկտրաէներգիայի ակնկալվողից ավելի վճարներ, դիմեն ՍԵՄԵԿ-ին։

«Հատուկ այս կատեգորիայի օգտատերերի համար ՍԵՄԵԿ-ի կայքում տեղադրվել է ձև, որտեղ մի քանի տեղեկատվական դաշտեր լրացնելով՝ տեղեկատվությունը կտրամադրվի հանձնաժողովին, արձագանքելու համար։ Քաղաքացիները ձևը լրացնելու համար կարող են օգտագործել հետևյալ հղումը՝ gnerc.org/ge/telasi-telmiko:

Քաղաքացիները լրացուցիչ տեղեկություններ կարող են ստանալ զանգերի կենտրոնի միջոցով՝ 16 216 (զանգերն անվճար են ցանկացած օպերատորից) կամ Facebook-ում՝ ՍԵՄԵԿ-ի էջի միջոցով»,- ասված է հանձնաժողովի հաղորդագրությունում։