Սա շրջադարձային պահ է մեր երկրի զարգացման համար, խորհրդարանն այս գործընթացում ներգրավված կլինի առաջին իսկ օրվանից, – այս մասին «Սոցիալական օրենսգրքի» շնորհանդեսի ժամանակ, հայտարարել է Վրաստանի խորհրդարանի նախագահ Կախա Կուճավան:

Կախա Կուճավան ընդգծեց օրենսգրքի կարևորությունը: Նրա խոսքով, կարևոր է ապահովել գործընթացում լիարժեք ներառականություն:

«Աշխատանքային խմբի ընթացքում, ինչպես նաև խորհրդարանում քննարկումների ընթացքում կապահովվի լիարժեք ներառականություն, որպեսզի ցանկացած անձ, ով ցանկություն, փորձ և կարծիք ունի այն մասին, թե ինչպես կատարել նույնիսկ ավելի լավ այն բարեփոխումը, որի մասին այսօր խոսում ենք, ներգրավվի: Ի վերջո, մենք կկարողանանք հասնել ընդհանուր նպատակին `2024 թվականին Եվրամիությանը անդամակցելու հայտ ներկայացնելուն և դրա համար կկարողանանք պատրաստել սոցիալական պաշտպանության համակարգ, և այն կներկայացվի մեկ միասնական օրենսգրքի տեսքով, ինչպես դա առկա է զարգացած, եվրոպական երկրներում: Մեր քաղաքացիներն արժանի են այս երաշխավորությանը», – հայտարարել է Կախա Կուճավան:

Խորհրդարանի նախագահը շնորհակալություն է հայտնել բռնազավթված տարածքներից փախստականների, աշխատանքի, առողջապահության և սոցիալական հարցերի նախարար Էկատերինե Տիկարաձեին, Սոցիալական օրենսգիրքը բարեփոխելու նախաձեռնության համար, ինչպես նաև աշխատանքային գործընթացում ներգրավված միջազգային գործընկերներին և փորձագետներին:

Կայուն, արդար և արդյունավետ սոցիալական պաշտպանության համակարգին աջակցելու համար, Եվրամիության ֆինանսավորմամբ, Ֆրանսիայի և Չեխիայի զարգացման գործակալությունները սկսում են սոցիալական օրենսգրքի երկամյա նախագիծ: