Սիրիայի պաշտպանության նախարարությունը հայտարարել է, որ ռազմական գործողությունն ավարտվել է Ասադի կողմնակիցների դեմ
Սիրիայի պաշտպանության նախարարությունը հայտարարել է, որ Ասադի կողմնակիցների դեմ ռազմական գործողությունն ավարտվել է։ Ըստ տեղեկությունների՝ վերջին երկու օրերի ընթացքում, ընդհանուր առմամբ, ավելի քան 1000 մարդ է զոհվել Սիրիայում նոր կառավարության ուժերի և Ասադի ալավիական աղանդի մարտիկների միջև շարունակվող զինված բախումների հետևանքով։
Պաշտպանության նախարարության խոսնակ Հասան Աբդուլ Ղանին ասել է, որ պետական հաստատություններն այժմ կարող են վերսկսել աշխատանքը։
«Մենք ճանապարհ ենք հարթում կյանքի բնականոն ռիթմին վերադարձի, անվտանգության և կայունության ամրապնդման համար»,- ասում է Աբդուլ Գանին։
Նա ասել է, որ նախկին ռեժիմի մնացորդների դեմ պայքարը շարունակվում է Սիրիայում անվտանգության մարտահրավերները վերացնելու համար։