Սիրիայի անցումային կառավարության նախագահը Սաուդյան Արաբիա կժամանի փետրվարի 2-ին

Սիրիայի անցումային կառավարության նախագահ Ահմեդ ալ-Շարաան փետրվարի 2-ին կժամանի Սաուդյան Արաբիա։

Սա կլինի Շարաայի առաջին արտասահմանյան այցը այն բանից հետո, երբ դեկտեմբերին Բաշար Ասադը լքեց երկիրը և ապստամբ ուժերը ստանձնեցին երկիրը:

Այս մասին հայտնում է Reuters-ը՝ հենվելով արաբական լրատվամիջոցների վրա։

Սաուդյան Արաբիայի արտաքին գործերի նախարարը հունվարի 24-ին Դամասկոսում էր, որի ընթացքում նա ասաց, որ թագավորությունը բանակցություններ է վարում Եվրոպայի և Միացյալ Նահանգների հետ՝ օգնելու վերացնել Սիրիայի դեմ սահմանված տնտեսական պատժամիջոցները: