Շվեյցարական Շպից քաղաքում գտնվող կենտրոնում, չեն հաստատել Ռուսաստանի արտաքին գործերի նախարարի կողմից տարածված լուրը: Գործը վերաբերում է Մեծ Բրիտանիայում նախկին կրկնակի գործակալ, Սերգեյ Սկրիպալի և նրա դստեր թունավորելուն: Ռուսաստանի արտաքին գործերի նախարարի պնդմամբ, փորձագետները, Շպիցի լաբորատորիայում պարզել են, որ Սկրիպալներին թունավորել են ոչ թե նյարդապարալիտիկ «Նովիչոկ» նյութով, այլ BZ գազով, որը արտադրվում է արևմտյան երկրներում:
Լավրովի հայտարարությանը չեն համաձայնել Շպիցի լաբորատորիայի փորձագետները: Twitter-ի միջոցով տարածած հայտարարության մեջ ասված է, որ փորձագետները ամբողջությամբ կիսում են բրիտանացի փորձագետների կողմից, Պորտ Դաունում անցկացված հետազոտությունների արդյունքը, որի համաձայն, Սկրիպալներին թունավորել են «Նովիչոկ» նյութով:
«Այս հայտարարությունը կարող է մեկնաբանել միայն քիմիական զենքը արգելող կազմակերպությունը: Իսկ մենք կարող ենք կրկնել այն, ինչի մասին ասել ենք 10 օր առաջ: Մենք կասկածներ չունենք, որ Փորթոն Դաունը «Նովիչոկը» նույնականացրել է: Ինչպես Պորտ Դաունը, այնպես էլ Շպիցի լաբորատորիան «քիմիական զենքը արգելող կազմակերպության» կողմից արտոնագրված հաստատություններ են: Ստանդարտներն այնքան խիստ են, որ նրանց եզրակացությունները կասկածի ենթակա չեն»,- ասված է հայտարարության մեջ:
Հիշեցնենք, «քիմիական զենքը արգելող կազմակերպությունը» անց կացված հետաքննության արդյունքում հայտարարել էր, որ վստահում է բրիտանացի փորձագետների եզրահանգմանը և աջակցում նրանց:
Եզրահանգումը հրապարակելուց հետո, Մեծ Բրիտանիան հրավիրել է «քիմիական զենքը արգելող կազմակերպության» գործադիր խորհրդի արտակարգ նիստ, որը անց է կացվելու ապրիլի 18-ին: Նիստին քննարկելու են Ռուսաստանի նկատմամբ անցկացվելիք միջոցները: Նույն օրը Նյու Յորքում Սկրիպալի հարցը քննարկվելու է ՄԱԿ-ի անվտանգության խորհրդի նիստին:
