Շատ հաճելի և համոզիչ էր, որ «Վրացական երազանքը» կասկածի տակ չի դնում եվրոպական ուղին», – այս մասին Վրաստանի խորհրդարանական պատվիրակության հետ հանդիպումից հետո հայտարարել է  Եվրախորհրդարանի պատգամավոր Մարինա Կալիուրանդին։

Կալիուրանդը նշել է, որ ընտրություններից հետո երկրի համար կարևոր է վերադառնալ բնականոն քաղաքական կյանքին:

«Վրացի պատգամավորների հետ քննարկել ենք Վրաստանի եվրոպական ուղին։ Շատ հաճելի ու համոզիչ էր, որ «Վրացական երազանքը» կասկածի տակ չի դնում եվրոպական ուղին։ Ավելին, մեծ աշխատանք է տարվում բարեփոխումների միջոցով Վրաստանը Եվրամիությանը մոտեցնելու համար։ Ինչպես նախկինում ասացի, ընտրություններն ավարտվել են, և այժմ ժամանակն է վերադառնալու բնականոն քաղաքական կյանքին և բնականոն աշխատանքին երկրում։ Նկատի ունեմ Վրաստանի խորհրդարանի կատարյալ աշխատանքը»,- ասել է Եվրախորհրդարանի պատգամավորը «Իմեդի» հեռուստաընկերությանը։

Մարինա Կալիուրանդի խոսքով, այժմ ժամանակը չէ բոյկոտելու խորհրդարանը և լիագումար նիստերը։

«Մեր խորհուրդն է, որ «Վրացական երազանքը» աշխատի բոլոր ընդդիմադիր կուսակցությունների հետ, որոնք պատրաստ են համագործակցել։ Երկխոսությունը էական է. Հիմա եկել է Վրաստանի համար կարևոր հարցեր քննարկելու ժամանակը։ Սա եվրոպական և Եվրաատլանտյան ինտեգրման օրակարգն է, տնտեսությունը, սոցիալական խնդիրները, համավարակը, կորոնավիրուսի ստեղծած բազմաթիվ խնդիրները»,- ասել է Մարինա Կալիուրանդին։