Կենտրոնական ընտրական հանձնաժողովի տեղեկությամբ, մինչ այս պահը շարժական քվեատուփի պահանջով ԿԸՀ-ի հեռախոսա-տեղեկատվական կենտրոնին է դիմել շուրջ 900 ընտրող: Սակայն, ընտրական վարչակազմի փոխանցմամբ, որոշակի թվով զանգեր չեն համապատասխանել շարժական քվեատուփի ցուցակում ընդգրկելու չափանիշներին:

ԿԸՀ-ն դիմում է ինքնամեկուսացման մեջ գտնվող ընտրողներին, ժամանակին պահանջեն շարժական ընտրատուփով ծառայությունները:

«Կենտրոնական ընտրական հանձնաժողովը (ԿԸՀ), սահմանադրական իրավունքի կատարման նպատակով, բժշկական հաստատություններում և կարանտինային տարածքներում, այդ թվում ինքնամեկուսացման մեջ գտնվող ընտրողների համար, կապահովի մասնակցությունը հոկտեմբերի 31-ի ընտրություններին:

Ընտրական վարչակազմը ինչպես քաղաքական կուսակցությունների, այնպես էլ քաղաքացիական հասարակության և միջազգային կազմակերպությունների հետ համակարգմամբ, որոշում է ընդունել, որով կարգավորվում է, թե ինչպես են այդ քաղաքացիները ներգրավվելու քվեարկության գործընթացում:

Որպեսզի ինքնամեկուսացման մեջ գտնվող Վրաստանի քաղաքացիները կարողանան մասնակցել ընտրություններին, արդեն երկրորդ օրն է ԿԸՀ-ում գործում է հեռախոսա-տեղեկատվական կենտրոն: 25 օպերատոր, որոնք անցել են համապատասխան ուսուցում, հոկտեմբերի 24-25-26-ին ժամը 10.00-ից 22.00-ն կպատասխանեն ինքնամեկուսացման մեջ գտնվող քաղաքացիների զանգերին և կգրանցեն նրանց պահանջները:

Ինքնամեկուսացման մեջ գտնվող ընտրողները, որոնց տվյալները պաշտոնապես գրանցված են համապատասխան գործակալության տվյալների բազայում, ԿԸՀ-ի հեռախոսա-տեղեկատվական կենտրոնին դիմելու դեպքում, կօգտվեն շարժական քվեատուփի ծառայություններից:

Ինքնամեկուսացման մեջ գտնվող ընտրողներին հնարավորինս տեղյակ պահելու նպատակով, ընտրական վարչակազմը իրականացրել է ակտիվ տեղեկատվական արշավ: Մինչ օրս ԿԸՀ-ն հեռախոսային հաղորդագրություններ է ուղարկել մոտ 3000 գրանցված ընտրողների և այդ գործընթացը շարունակվում է: Բացի այդ, տեղեկատվական տեսանյութերը տարածվում են տարածաշրջանային և տեղական լրատվամիջոցների, ինչպես նաև սոցիալական ցանցերի միջոցով:

Տեղեկացնում ենք, որ տվյալ պահին շարժական քվեատուփի պահանջով ԿԸՀ-ին դիմել է շուրջ 900 ընտրող, սակայն զանգերի որոշակի քանակություն չի բավարարել շարժական քվեատուփերի ցուցակում ընդգրկելու չափանիշներին:

Ընտրական վարչությունը կոչ է անում ինքնամեկուսացման մեջ գտնվող ընտրողներին ակտիվ լինել, մինչև հոկտեմբերի 26-ի երեկոյան ժամը 22:00-ն դիմել ԿԸՀ-ի հեռախոսա-տեղեկատվական կենտրոնին՝ 2-51-00-51 (0) հեռախոսահամարով և ժամանակին պահանջե շարժական քվեատուփի ծառայությունը»,- հայտարարել են ԿԸՀ-ում: