Շալվա Պապուաշվիլի. Զարմանալի չէ, որ Բրյուսելը խուսափում է երկխոսությունից, երբ ձեր սեփական դիրքորոշումները կառուցվում են ապատեղեկատվության վրա, կեղծ կառուցվածքը կարելի է քանդել մեկ ճշմարիտ խոսքով
«Առանց ճշմարտության հարգանքի և քննադատության հանդեպ բաց լինելու՝ «Եվրոպա» գոյություն չունի», — այս մասին գրել է Վրաստանի խորհրդարանի նախագահ Շալվա Պապուաշվիլին սոցիալական ցանցում։
Նրա խոսքով՝ Բրյուսելը խուսափում է երկխոսությունից։
«զարմանալի չէ, որ Բրյուսելը խուսափում է երկխոսությունից՝ հատկապես այն հարցերի շուրջ, որոնց մասին, եթե հարցնեք, ամենաշատը պիտի ասելիք ունենային։
Պատճառը պարզ է – երբ քո դիրքորոշումները կառուցված են կեղծ նարատիվների և ապատեղեկատվության վրա, շատ լավ գիտես, որ ցանկացած փաստարկված քննարկման ժամանակ այդ կեղծ կառուցվածքը կփլվի՝ ճշմարտության առաջին իսկ խոսքի շփման պահից։
Առանց ճշմարտության հարգանքի և քննադատության հանդեպ բաց լինելու՝ «Եվրոպա» գոյություն չունի», — գրել է Պապուաշվիլին։
Հիշեցնենք, որ Վրաստանի արտաքին գործերի նախարարությունը հայտնել է, որ 2025 թվականի նոյեմբերի 21-ին Բրյուսելում նախատեսված Վրաստան–ԵՄ երկխոսության հանդիպումը մարդու իրավունքների պաշտպանության հարցերի շուրջ հետաձգվել է ԵՄ կողմի որոշմամբ։ Ինչպես նշում է նախարարությունը, երկխոսության հետաձգումը վկայում է, որ Բրյուսելը պատրաստ չէ լսելու վրացական կողմի դիրքորոշումները։
