Շնորհավորում եմ ֆաշիզմի դեմ հաղթանակի օրվա առթիվ։ Հատկապես շնորհավորում եմ Երկրորդ համաշխարհային պատերազմի վրացի վետերաններին, ովքեր իրենց պայքարով ու նվիրումով հաղթանակ տարան մարդկության ամենադաժան թշնամու նկատմամբ,- այս մասին սոցցանցում գրում է Վրաստանի խորհրդարանի նախագահ Շալվա Պապուաշվիլին։

Ինչպես նշում է Պապուաշվիլին, անչափելի է վրացի զինվորների նվիրումը Երկրորդ համաշխարհային պատերազմում, ինչպես նաև ժամանակակից աշխարհի բազմաթիվ առաքելություններում և ռազմական գործողություններում։

«Վրաստանը մեծ զոհողություններ արեց չարիքը հաղթահարելու համար։ Անչափելի է վրացի զինվորների նվիրումը Երկրորդ համաշխարհային պատերազմում, ինչպես նաև ժամանակակից աշխարհի բազմաթիվ առաքելություններում և ռազմական գործողություններում։

Աշխարհը դեռ մեծ մարտահրավերների առաջ է կանգնած։ Ուկրաինայի դեմ Ռուսաստանի ագրեսիան կրկին հիշեցնում է մարդկությանը, որ պատերազմը միշտ դաժան է և անողոք, դժբախտություն է բերում։

Այդ իսկ պատճառով խաղաղության պահպանումն ու մեր քաղաքացիների անվտանգության ապահովումը մեր հիմնական խնդիրն է։

Մեր պարտքն է այլեւս երբեք թույլ չտալ չարիքի տոնակատարությունը, կյանքի նկատմամբ մահվան հաղթանակը: Ֆաշիզմի դեմ մարդկության հաղթանակի այս օրը ցանկանում եմ ևս մեկ անգամ մեր երկրին և ողջ աշխարհին մաղթել խաղաղություն»,- գրել է Պապուաշվիլին։