Կարծում եմ, որ մարդիկ շփոթում են, թե ինչ է արդարությունը, ինչ է քաղաքականությունը, նման հայտարարությունները ծառայում են միայն մեկ բանի՝ խոչընդոտելու արդարադատության իրականացմանը,- Վրաստանի խորհրդարանի նախագահ Շալվա Պապուաշվիլին այսպես է գնահատում Ռուսաստանում ԱՄՆ նախկին դեսպանին Մայքլ Մաքֆոլի «Washington Post»-ում Միխեիլ Սաակաշվիլիի հետ կապված հրապարակված հեղինակային հոդվածը:

Պապուաշվիլիի խոսքով՝ «հիասթափեցնող է, որ որոշակի խումբ փորձում է խաբեությամբ խուսափել Միխեիլ Սաակաշվիլիի պատժից»։

«Ինչպես տեսա, Պուտինին ձեռնտու է նրա ազատազրկումը։ Չգիտեմ՝ Պուտինին ձեռնտու է, որ բանտում լինի Սանդրո Գիրգվլիանիին սպանողի հանցակիցը, Վալերի Գելաշվիլիի ծեծի կազմակերպիչը, կարծում եմ՝ մարդիկ այստեղ շփոթում են, թե որն է արդարությունը, որը՝ քաղաքականությունը։ Ամենակարևորը, որ արդարադատությունը չխոչընդոտվի, և նման հայտարարությունները ծառայում են միայն մեկ բանի՝ խոչընդոտելու արդարադատության իրականացմանը։ Սանդրո Գիրգվլիանիի գործով, Ստրասբուրգի դատարանը նշեց, բոլորը հիշում են, թե որքան զայրացած էր դատարանը, որ այն ժամանակվա իշխանությունն ամեն ինչ արեց այս գործով, սպանության գործով արդարադատության իրականացումը թույլ չտալու համար։ Այսօր մենք տեսնում ենք ճիշտ նույնը, հենց այս դեպքում՝ Սանդրո Գիրգվլիանիի դեպքում, Միխեիլ Սաակաշվիլին կրում է իր պատիժը, և տեսնում ենք՝ ներսի ընկերները, թե դրսում նրա պաշտպանները, ինչպես են փորձում խոչընդոտել արդարադատության իրականացմանը և սա ամենահիասթափեցնողն է այն լույսի ներքո, ինչ մենք նկատում ենք, որ որոշ խումբ փորձում է խուսափել Միխեիլ Սաակաշվիլիի պատժից։

Ինչ վերաբերում է հետաձգմանը, ապա դա միայն բժիշկների ու դատարանի իրավասությունն է, այլ ոչ թե մեկնաբանների ու քաղաքական գործիչների որոշելիքը»,- ասել է Պապուաշվիլին։