Ինչպես և սպասվում էր, և այժմ վստահ ենք, վրացական քաղաքացիական հասարակության մի ստվար հատված պատասխանատու և ողջախոհ մոտեցում է ցուցաբերել թափանցիկության հարցում,- այս մասին սոցցանցում գրում է Վրաստանի խորհրդարանի նախագահ Շալվա Պապուաշվիլին։

Ինչպես նշում է Պապուաշվիլին, արտասահմանից ֆինանսավորվող 156 կազմակերպություններ արդեն ավարտել են արդարադատության նախարարության թափանցիկության ռեգիստրում գրանցվելու ընթացակարգը։

Նրա խոսքով, այս թիվն արդեն գերազանցում է 136 հասարակական կազմակերպությունը, որոնք բողոքում են «օտար ազդեցության թափանցիկության մասին» օրենքի դեմ։

«Ինչպես և սպասվում էր, և այժմ մենք համոզված ենք, Վրաստանի քաղաքացիական հասարակության մի ստվար հատված պատասխանատու և ողջախոհ մոտեցում է ցուցաբերել թափանցիկության հարցում.

Արտերկրից ֆինանսավորվող 156 կազմակերպություններ այս պահին ավարտել են Արդարադատության նախարարության թափանցիկության ռեգիստրում գրանցման ընթացակարգը։ Այս թիվն արդեն գերազանցում է 136 հասարակական կազմակերպությունների թիվը, որոնք բողոքում են արտաքին ազդեցության թափանցիկության մասին օրենքի դեմ։ Ավելին, ներկայումս քննարկվում են ևս 300 կազմակերպությունների գրանցման հայտերը։

Այս ամենը տեղի ունեցավ՝ չնայած մի քանի քաղաքական ՀԿ-ների և նրանց դոնորների սպառնալիքներին, որ Վրաստանի քաղաքացիական հասարակությունը դեմ կլիներ ավելի շատ թափանցիկությանը և հաշվետվողականությանը:

Պարզ դարձավ նաև, որ 2023 թվականի մարտին և 2024 թվականի մայիսին փողոց դուրս եկած խմբերը չէին ներկայացնում քաղաքացիական հասարակությունը, այլ մոբիլիզացված էին արմատական ​​քաղաքական կուսակցությունների, նրանց քաղաքականացված հասարակական կազմակերպությունների և կուսակցական հեռուստատեսությունների կողմից։

Իրական քաղաքացիական հասարակությունը իր խոսքն ասաց: Վրաստանում գրանցված ավելի քան 30 000 ոչ առևտրային կազմակերպություններից մինչև 25 000 կազմակերպություններ տարիներ շարունակ անգործության են մատնված։ Ակտիվ կազմակերպություններից, թե մոտ 600 կազմակերպություն ստանում է արտասահմանյան ֆինանսավորում, որոնցից միայն 136-ի համար է անընդունելի եղել թափանցիկությունը։ Այսպիսով, դրսից ֆինանսավորվող հասարակական կազմակերպությունների ավելի քան 75 տոկոսի համար թափանցիկության օրենքը խնդիր չէ։

Եվ, չնայած աշխարհի խոստացված վերջին, արևը դեռ շողում է Վրաստանի գեղեցիկ գյուղերի ու քաղաքների վրա»,- գրել է խորհրդարանի նախագահը։