«Այս պահին Մոլդովայի տնտեսության վիճակը կարելի է անվանել ճգնաժամ, քանի որ վերջին մի քանի տարում տնտեսական աճ գրեթե չի եղել և մնում է զրոյի շուրջը։ Այս իրավիճակում Բրյուսելն ունի իր մեղքի բաժինը», – այս մասին հայտարարել է Վրաստանի խորհրդարանի նախագահ Շալվա Պապուաշվիլին։

Նրա խոսքով՝ 2021 թվականին Մոլդովան ունեցել է Վրաստանից ավելի բարձր տնտեսական աճի ցուցանիշ։

«Թեև մենք 2021 թվականին ունեինք 10 տոկոս տնտեսական աճ, եթե չեմ սխալվում, նրանք ունեն ավելի բարձր՝ մոտ 11-12 տոկոս աճ։ 2022 թվականին նրանց աճը եղել է մինուս 5 տոկոս։ 2022-2025 թվականներին նրանք գրանցել են նվազագույն աճ, մինչդեռ Վրաստանը պահպանել է 10-8 տոկոս աճ։ Մոլդովան այժմ պտտվում է զրոյի շուրջ։

Ի՞նչն է տարբերությունը Վրաստանի և Մոլդովայի միջև։ Միակ տարբերությունն այն է, որ Մոլդովան լսում է Բրյուսելին, իսկ Վրաստանը չի լսել Բրյուսելի այն շշուկները, որոնք հորդորում էին մեր երկրին՝ վնաս հասցնելու հաշվին միանալ Ռուսաստանի դեմ «կրակի օղակի» ձևավորմանը՝ երկկողմանի պատժամիջոցների սահմանման միջոցով։

Վրաստանը և Մոլդովան ունեն միայն մեկ տարբերություն, և հենց դա է պատճառը, որ մենք տնտեսապես մի քանի անգամ գերազանցել ենք Մոլդովային։ Մենք Բրյուսելի այն խորհուրդները չենք ընդունում, որոնք վնասում են Վրաստանին», – նշել է Շալվա Պապուաշվիլին։