«Վրաստանի օրենսդրությունը ամեն օր խախտվում է տարբեր հիմնադրամների կողմից վրացական կուսակցությունների գաղտնի ֆինանսավորմամբ»,- այս մասին լրագրողներին ասել է խորհրդարանի նախագահ Շալվա Պապուաշվիլին։

«Մենք բխում ենք Վրաստանի քաղաքացիների շահերից։ Ինչ վերաբերում է քաղաքական խմբավորումների գաղտնի ֆինանսավորմանը, ապա այս օրերին խոսվեց «Մթավարի»-ի ֆինանսավորման մասին, և այն դրամաշնորհ ստացավ, թե «Մթավարի» հեռուստաընկերությունը դրամաշնորհ է ստանում։ Երբ նման բաներ են լինում, պատկերացնու՞մ եք, որ մի երկիր մյուսում կուսակցություն է ֆինանսավորում։ Դա արգելված է բոլոր երկրներում»,- ասել է Շալվա Պապուաշվիլին։

Նրա խոսքով, «Վրացական երազանք»-ի ելակետը Վրաստանի օրենսդրությունն է։

«Վրացական օրենսդրությունն ամեն օր խախտվում է տարբեր հիմնադրամների կողմից վրացական կուսակցությունների գաղտնի ֆինանսավորմամբ։ Այս խախտումը պետք է վերացվի, և ես չեմ կարծում, որ ԵՄ որևէ քաղաքական գործիչ դեմ է օրենքի գերակայությանը»,- ասել է Շալվա Պապուաշվիլին։

«Վրացական երազանք»-ը կրկին կներկայացնի «Օտարերկրյա ազդեցության թափանցիկության մասին» օրինագիծը: Խորհրդարանական մեծամասնության առաջնորդ Մամուկա Մդինարաձեն «Վրացական երազանք»-ի կենտրոնական գրասենյակում կայացած ճեպազրույցում ասել է, որ օրինագիծը խորհրդարանում կներկայացվի ճիշտ նույն տեքստով, ինչ նախաձեռնվել էր անցյալ տարի, միակ տարբերությամբ. – նախագծում կփոխվի «օտարերկրյա գործակալ» տերմինը և կներկայացվի հետևյալ տարբերակը՝ «Օտար տերության շահեր կրող կազմակերպություն»։